Me kalimin e viteve, lëkura jonë ka kërkesa të ndryshme. Në çdo stad të jetës pika kyçe për një pamje të bukur është zgjedhja e produkteve të duhura që do të ofrojnë një lëkurë të shëndetshme e plot shkëlqim.

Lëkura është organi më i madh i trupit tonë që është në kontakt direkt me mjedisin e jashtëm. Jetesa moderna, stresi në rritje dhe ndotja e mjedisit prekin në mënyrë të ndjeshme lëkurën tonë që ka nevojë për përkujdesje dhe mbrojtje ekstra.

Dihet që lëkura pëson ndryshime ndërsa ne plakemi. Kjo do të thotë që rutina e përkujdesjes së lëkurës do të jetë e ndryshme.

Në të 20-tat, lëkura është e ngjeshur dhe plot freski. Në mënyrë që ta mbajmë këtë gjendje për një kohë të gjatë, pastrimi i lëkurës duhet të bëhet një element i rëndësishëm në rutinën e përditshme. Përdorni një hidratues që do ju ndihmojë të mbani freskinë e lëkurës dhe kurrë mos harroni kremin e diellit. Shenjat nga dielli mund të mos jenë të dukshme menjëherë por akumulohen dhe çojnë në plakje të parakohshme të lëkurës.

Në të 30-tat, shenjat e para të maturimit të lëkurës kanë filluar të duken. Prodhimi i kolagjenit dhe elastinës ulet dhe lëkura fillon gradualisht të humbë elasticitetin. Kjo është koha e duhur për të filluar përdorimin e produkteve me efekt anti-age. Mos harroni pastrimin e duhur të lëkurës dhe hidratimin e thellë të fytyrës dhe qafës. Një krem hidratues sysh do ju ndihmojë në parandalimin e shenjave të moshës në zonën e ndjeshme të syve ku lëkura është e hollë dhe e brishtë.

Në të 40-tat, rrudhat e mimikës janë tashmë të dukshme dhe lëkura mund të paraqesë një tharje të lehtë. Përdorni produkte anti-rrudhë që ofrojnë një hidratim të thellë, rigjenerim dhe ushqyerje për lëkurën tuaj. Mos e harroni asnjëherë kremin e diellit dhe mbrojeni lëkurën nga njollat e para kafe me produkte të lehta zbardhuese.

Në të 50tat, lëkura duket më e thatë, e zbehtë, e hollë dhe e humb elasticitetin. Njollat kafe shfaqen si pasojë e moshës dhe tharja si pasojë e mungesës së estrogjenit. Për një përkujdesje të plotë për lëkurën e maturuar, ju mund të përdorni kremra të pasur dite & nate me verpim anti-aging, tonifikues dhe kundër rrudhave. Produktet zbardhurese do ju ndihmojnë në reduktimin e hiperpigmentimit dhe njollave kafe. Duajeni dhe kujdesuni për lëkurën tuaj, duke investuar në produkte që mbrojnë elasticitetin dhe hidratimin dhe ju japin një lëkurë plot shkëlqim.